QHT Əməkdaşlıq Alyansının Avropa Hotelində QHT Evinin yaradılması üzrə İşçi Qrupunun və Şurasının toplantısı

QHT Əməkdaşlıq Alyansının “QHT Evi”nin yaradılması üzrə yaratdığı İşçi Qrupun Avropa hotelində toplantısı keçirilib. Toplantıda İşçi Qrupu ilə yanaşı Alyansın Şurasının da bir sıra üzvləri – Yadigar Məmmədli, Xanoğlan Əhmədov və Ruhəngiz Hüseynova da iştirak ediblər. İşçi Qrupun rəhbəri, Alyansın Şura üzvü Razi Nurullayev QHT Evinin yaradılması variantları barədə məlumat verib. Geniş müzakirələr zamanı Rufiz Qonaqov, Yadigar Məmmədli, Rəfail Becanov, Xanoğlan Əhmədov, Nərgiz Günəş və Ruhəngiz Hüseynova maraqlı təkliflərlə çıxış ediblər.

Işçi Qrupunun ardınca QHT Əməkdaşlıq Alyansının Şura toplantısı da keçirilib. Toplantıda qərara alınıb ki, Alyans yaxın zamanlarda QHT-lərə Dövlət Dəstəyi Şurası ilə bir daha məsləhətləşərək bütün QHT-lərin iştirakı ilə geniş dəyirmi masa keçirsin və QHT Evinin yaradılması mexanizmləri üzrə vətəndaş cəmiyyəti institutlarının fikir və təkliflərini nəzərə alsın. Alyans Şurası QHT Evi ilə bağlı yaradılan İşçi Qrupun tərkibinin genişləndirilməsi və digər QHT birliklərinin də cəlb olunması və iştirakının təmin edilməsi ilə bağlı da məsələyə müsbət səs verib. Işçi Qrupa digər QHT birlikləri ilə məsləhətləşmələr aparmaq və onların da İşçi Qrupda iştirakına imkan yaratmaq üçün səlahiyyət verilib.

QHT Əməkdaşlıq Alyansının növbəti Şura iclası keçirilib. Alyansın əlaqələndiricisi Rufiz Qonaqov ötən müddət ərzində görülən işlərlə bağlı Şuraya məlumat verib. O, bildirib ki, son iki ay müddətində Alyans bir sıra ciddi tədbirlər həyata keçirib. İstər “Eurovizion-2012” Beynəlxalq Mahnı Müsabiqəsi, istərsə də Xocalı soyqırımının 20-ci ildönümü ilə bağlı QHT-lərə Dövlət Dəstəyi Şurasının təşəbbüsü ilə digər QHT birlikləri ilə təşkil olunan tədbirlər çox əhəmiyyətli olmuşdur. O, bildirmişdir ki, Xocalı soyqırımı ilə bağlı Alyansın başladığı internet-aksiyaya 10 minlərlə insan qoşulmuş və bəzi günlərdə Facebook sosial şəbəkəsində qoşulanların sayı 100 000 ötüb keçmişdir. Bu məsələnin sistemli davam etdirilməsi ilə bağlı QHT-lərə Dövlət Dəstəyi Şurası ilə məsləhətləşmələrin davam etdirilməsi də nəzərdə tutulur. Daha sonra tədbirlərin keçirilməsi ilə bağlı yaradılan İşçi Qruplarının fəaliyyəti müsbət qiymətləndirilmişdir.

Şurada Alyansın 2012-ci il üçün tədbirlər planı haqqında fikir mübadiləsi aparılıb. Qərara alınıb ki, Alyansın 2012-ci il üçün tədbirlər planı ümumilikdə təsdiq edilsin.

Daha sonra Alyansın təklifi ilə ümumi müzakirəyə çıxarılan “QHT Evi” ilə bağlı məsələ müzakirə edilib. Şura üzvləri bildirib ki, bu gün də Alyansın Şurasında təmsil olunan QHT rəhbərləri tərəfindən bu məsələ 5 ildir ki, gündəmdə saxlanmaqdadır. Amma hələlik konkret nəticə yoxdur. QHT-lərə Dövlət Dəstəyi Şurasının sədri, millət vəkili Azay Quliyev də bu məsələyə xüsusi həssaslıqla yanaşır və bu günlərdə verdiyi açıqlamada bu məsələnin diqqətdə olduğunu bildirib. Məsələ ətrafında geniş fikir mübadiləsi aparılıb və bununla bağlı Şura üzvlərindən ibarət İşçi Qrupu yaradılıb. İşçi Qrupu yaxın vaxtlarda “QHT Evi”ni necə görməsi ilə bağlı QHT-lərə Dövlət Dəstəyi Şurası ilə məsləhətləşmələr əsasında təkliflər hazırlayacaq və bunun ictimai müzakirəsini təşkil edəcək.

 QHT Əməkdaşlıq Alyansının İcra Katibliyi

In a few hours of night from 25 to 26 February 1992, 613 civilians were killed including 106 women, 83 children. 56 people were killed with outrageous brutality, 8 families were totally exterminated, 25 children lost both parents while 130 children lost at least one parent in a massacre which has become the most brutal punishment of civilians during the whole 3 years of the conflict’s military phase. Armenia to be brought to justice for the massacre!

Status 2

According to international observers, soldiers and officers of 366th regiment took part in the attack on Khojaly.Memorial called for investigation of the facts of participation of CIS soldiers in the military operations in the region and transfer of military equipment to the sides of the conflict. Soon after the massacre, in early March 1992, the regiment was withdrawn from Nagorno-Karabakh. Paratroopers evacuated the personnel of the regiment by helicopter, but over 100 soldiers and officers remained in Stepanakert and joined the Armenian forces, including the commander of the 2nd battalion major Seyran Ohanyan, who currently serves as a Minister of Defense of Armenia.

Status 3

The Khojaly Massacre was described by Human Rights Watch as “the largest massacre to date in the conflict” over Nagorno-Karabakh. Memorial, the Moscow-based human rights group, stated in their report that the mass killing of civilians in Khojaly could not be justified under any circumstances and that actions of Armenian militants were in gross violation of a number of basic international human rights conventions

 Status 4

Xocalı Soyqırımı ilə bağlı paylaşmaq üçün məsləhət bildiyimiz səhifələr:

http://goo.gl/YzJHL (Aze)

http://en.wikipedia.org/wiki/Khojaly_Massacre (Eng)

http://goo.gl/TLmQ9 (Rus)

http://justiceforkhojaly.org (Eng)

QHT Əməkdaşlıq Alyansı və digər Qeyri Hökumət Təşkilatları “Xocalı soyqırımını anaq” kampaniyası çərçivəsində tədbir keçirib.

Tədbirə qatılan QHT bilrikləri fevralın 7-dən sosial şəbəkələrdə “Xocalı soyqırımını tanıdaq” aksiyasına başlayıb. Fevralın 23-nə kimi davam edəcək aksiya “Xocalı faciəsi”ni daha çox xarici vətəndaşlara tanıtmaq məqsədi daşıyır. Bu sahədə rəsmi Bakının da ciddi addımlar atdığı deyilib.

QHT-lərə Dövlət Dəstəyi Şurasının icraçı direktoru Fərasət Qurbanov “Xocalı faciəsi”ni dünyaya tanıtmaq sahəsində tendensiyanı dəyişmək təklifi verib. Şuranın faciəni daha çox xarici ölkələrin QHT-ləri və media qurumları ilə birbaşa tanıtmağı nəzərdə tutan layihələrə üstünlük verəcəyi qeyd edilib.

Natiqlər bu il Türkiyədə də “Xocalı faciəsi”ni anmaqla bağlı möhtəşəm aksiya keçiriləcəyini xatırladıblar. Tədbirdə fevralın 24-də “Xocalı harayı” abidəsini ziyarətdə mütəşəkkil iştiraka çağırışlar edilib.

Xocalı faciəsi 1992-ci ildə törədilib. Rusiyanın 366-cı moto-atıcı alayının rus-erməni hərbi qüvvələri şəhərə hücum edərək 613 nəfəri qətlə yetiriblər.

A campaign begun by NGO Partnership Alliance of Azerbaijan and some other local NGOs is aimed at greater recognition of the Khojali Tragedy among the international community.

The Commemorate the Khojali Tragedy campaign is being coordinated on social network sites with the goal of holding a rally to on February 24th to commemorate the tragedy.

The executive director of the State Support Council for NGOs, Feraset Gurbanov, said that the Council is pushing for a greater focus on using international media to raise awareness about the event.
The Khojali tragedy occurred on February 25-26th, 1992 and according to the Azerbaijani government, 613 people were killed by ethnic Armenian forces and the Russian 366th Motor Rifle Regiment.

QHT Əməkdaşlıq Alyansı vətəndaş cəmiyyətinin dünəni, bu günü və sabahı haqqında təhlili açıqlama hazırlayıb.

Azərbayacnda vətəndaş cəmiyyətinin formalaşması dövlət müstəqilliyimizlə ilə eyni vaxta düşür. Ötən 21 il ərzində bu sektor böyük bir yol keçərək, inkişaf etmişdir.

Bu gün Azərbaycan QHT-lərinin keçdiyi yolu 4 (dörd) mərhələyə bölmək ədalətli olardı.

Birinci mərhələ 1990-ci ildən 1999-cu ilər; ikinci mərhələ 1999-cu il – 2008-ci illər; üçüncü mərhələ 2008-ci il – 2012-ci ilin əvvəli. 4-cü mərhələ isə bu ilin mart ayından – Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına seçkilərdən sonra yeni Şuranın seçilməsi ilə başlayacaq.

1990-ci ildən 1999-cu ilə qədər dövrü əhatə edən birinci mərhələdə vətəndaş cəmiyyəti institutları hələ tam olaraq QHT kimi formalaşmamışdı. Onlar yarı siyasi, yarı ictimai fəaliyyət göstərirdi. Əsasən, dövlət tərəfindən tanınan və dövlət tərəfindən maliyyələçdirilən birliklərdən başqa (məsələn: Yazıçılar Birliyi, Rəssamlar Birliyi və s.) digər ictimai qurumlar nə cəmiyyət, nə də hökumət tərəfindən birmənalı qəbul olunurdu. Adlarında qeyri-hökumət təşkilatı sözü olan ictimai qurumları həm əhali, həm də hakimiyyətin bir çox qurumları dövlətin əleyhinə işləyən bir qruplar kimi qəbul edirdilər. Bu dövrdə, çox az sayda təşkilatlar qrant layihələri yaza və həyata keçirə bilirdilər. Amma, artıq bir çox uğurlu layihələrin həyata keçirilməsi və vətəndaş cəmiyyəti təmsilçilərinin yeni ictimai liderlərin öndərliyi ilə təmərküzləşməsi prosesi başlanmışdı. Azərbaycan Gənclər Təşkilatlarının Milli Şurası yaradılmışdı. Onlarla tələbə təşkilatları, gənclər təşkilatları, qadın təşkilatları və siyasi partiyaların ətrafında təmərküzləşən onlarla digər təşkilatlar ayaq üstə dayanmağı bacarmışdılar. Lakin, bu sahədə ciddi dağınıqlıq hökm sürürdü.

Məhz, belə bir dövrdə – 1999-cu ilin iyun ayında Azərbaycanın Milli Qeyri-Hökumət Təşkilatları Forumunun yaradılması baş tutdu. Eyni anda, vətəndaş cəmiyyətinin iki tərəfə bölünməsi də başladı. Müxalifətyönlü QHT-lər Foruma qoşulmaqdan imtina edərək, Azərbaycan QHT-lərinin Konqresini yaratdılar. Amma, Konqresin ömrü çox qısa oldu və dağıldı. Orada təmsil olunan təşkilatlar da Milli QHT Forumuna transfer etdilər. Elə bu zamandan da vətəndaş cəmiyyətinin həyatında keyfiyyətcə ikinci inkişaf dövrü başladı. Bu gün sıralarında 620 QHT-ni birləşdirən Forum 2008-ci ilə kimi QHT sektorunun qeyri-rəsmi yönəldicisinə çevrilmiş və QHT-lərin inkişafı üçün BMT-nin İnkişaf Proqramı ilə bilik və bacarıqların artırılması üçün xeyli iş görə bilmişdi.

Lakin, bu işlərin uğurla həyata keçirilməsi Azərbaycan Respublikası Prezidenti cənab İlham Əliyevin demokratik cəmiyyət quruculuğundakı prinsipial mövqeyi olmadan mümkün ola bilməzdi. Hakimiyyətin ilk aylarındaca, 2003-cü ilin sonunda qəbul edilən “Hüquqi şəxslərin dövlət qeydiyyatı və dövlət reyestri haqqında”  Qanunun qəbulu ilə prosesə yeni stimul verildi. Nəticədə ictimai mühitdə QHT-lərin yaranması, bu sahədə fəaliyyət göstərilməsinə maraq daha da artmağa başladı. Yeni və demokratik cəmiyyət quruculuğu sahəsində olan bu inkişaf hökumət-QHT əməkdaşlığının yeni mərhələsin start verdi. Bu da hökumət strukturlarının QHT-lərlə açıq müzakirələr aparmasına, müxtlif proqramlarda onların rəyinin öyrənilməsinə, QHT-lərdən müxtəlif  təkliflərin qəbuluna şərait yaratdı.

Bu uğurlu layihənin həyata keçirilməsində və uğurun davam etməsində, özünü güclü təşkilatçı və menecer kimi təsdiq edən, 2008-ci ilə kimi Milli QHT Forumunun prezidenti olmuş, bu gün isə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyevin xidmətləri böyükdür və danılmazdır.

QHT-lərin inkişafında ən güclü mərhələ isə 2008-ci il – 2012-ci ilin əvvələrinə təsadüf edir. 27 iyul 2007-ci ildə Azərbaycan Respublikasının Prezidenti Cənab İlham Əliyevin imzaladığı Sərəncamla təsdiq edilmiş Azərbaycan Respublikasının Qeyri-Hökumət Təşkilatlarına Dövlət Dəstəyi Konsepsiyası ölkəmizdə QHT inkişafının yeni mərhələsinin başlanması üçün baza prinsiplərini müəyyən etdi. Konsepsiya ilə bağlı ictimai sektorda gedən prinsipial müzakirələrdən sonra Cənab Prezidentin 13 dekabr 2007-ci il tarixli Fərmanı ilə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası yaradıldı.
QHT nümayəndələri arasında keçirilmiş demokratik, şəffaf seçkilərdən sonra dövlət başçısının 16 aprel 2008-ci il tarixli sərəncamı ilə Şura üzvləri təyin edildi və bununla da Şura fəaliyyətə başladı.

Bu dövr QHT-lərin həyatında yeni bir səhifə açdı. QHT-lərin fəaliyyəti və mövcudluğu ictimaiyyət tərəfindən qəbul edildi. Ictimai sektorun mövcudluğu və lazımlılığı ictimai rəydə özünə yer aldı. Dövlət QHT-ləri maliyyələşdirməyə başladı. Maraqlı faktdır ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası ən az tənqid olunan dövlət qurumları arasındadır. Hətta, müxalifət nümayəndələri, o cümlədən beynəlxalq təşkilatlar da adı çəkilən Şuranın şəffaflığını və bütün vətəndaş cəmiyyəti təmsilçilərinə bərabər yanaşdığını qeyd edirlər. Bu faktın özü uğurun göstəricisidir. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili Azay Quliyevin rəhbərliyi altında 11 (on bir) nəfərlik Şuranın bu dövr ərzində apardığı dövlət siyasəti özünü doğrultmuşdur. Çünki, dövlətin ayırdığı vəsaitin bölüşdürülməsində tərəfsizlik və siyasi baxışlara görə ayrı-seçkiliyin aparılmaması dövlətin və iqtidarın adına da müsbət notlarla yazılmış, beynəlxalq təşkilatlar tərəfindən də yüksək qiymətləndirilmişdir.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası üçüncü mərhələyə böldüyümüz dövr ərzində vətəndaş cəmiyyətinin inkişafı üçün ciddi uğurlara imza atmışdır və bunu da QHT-lər yüksək qiymətləndirirlər. Əks halda, QHT-lərin fəaliyyəti üçün ciddi baryerlər yarana bilərdi. Bu uğurlar hansılardır?

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 15 yanvar 2010-cu il tarixli iclasında QHT-lərin fəaliyyəti haqqında Maliyyə Nazirliyinə illik maliyyə hesabatı verməsi məsələsinə baxılmış və bu istiqamətdə bir sıra çətinliklərin olduğu qeyd ediildikdən sonra, bu sahədə dönüş yaranmışdır. Maliyyə hesabatınln verilməsi tarixləri QHT-lərin xeyrinə uzadılmış, elektron formada veirlməsi təsbit edilmişdir.  Sevindirici faktdır ki, bu günə kimi bir QHT belə maliyyə sanksiyasına məruz qalmamışdır. Bu faktın özü QHT-lərə göstərilən ən yüksək qayğılardan biridir.

Rəsmi statistikaya görə 2010-cu ilə qədər 2612 QHT rəsmi qeydiyyatdan keçmişdi. Bu gün isə onların sayı artıq 3000 yaxınlaşıb. QHT-lərə Dövlət Dəstəyi Şurasının fəaliyyəti nəticəsində bu təşkilaltlar təsnifatlaşdırılıb, onlar haqqında elektron və çap formada baza yaradılıb, 900-ə yaxın QHT ölü nöqtədən qaldırılaraq fəallaşdırılıb və onların bir qismi aparıcı QHT-lərə çevrilib. QHT-lərin təşkilati və maliyyə bacarıqları artırılaraq standartlara uyğunlaşdırılıb və bunun nəticəsində onlar digər qurumlardan da maliyyə vəsaiti cəlb etməyə nail olublar. Çünki, QHT-lərin əksəriyyətinin maliyyə hesabatlılığı yox dərəcəsində idi və buna görə də onlar qrant almaqda çox çətinlik çəkirdirlər.

Milli Məclisin 2011-ci il 11 fevral iclasında “Auditor xidməti haqqında” qanuna, eləcə də İnzibati Xətalar Məcəlləsinə əlavə və dəyişikliklər layihəsi təsdiqlənən zaman Şura sədri Azay Quliyevin dirəniş göstərməsi QHT-lərin audit xidmətindən azad olunmasına gətirib çıxardı. Əks halda,  QHT-lər məcburi auditdən yayınmaya görə 500 manatdan 2500 manatadək cərimə oluna bilərdilər. QHT-lərin isə audit olunmaq üçün vəsait tapması də mümkün deyildi. Demək ki, bu qanun onların boynundan “Demokl Qılıncı” kimi asılacaqdı. Həmin iclasda deputat Azay Quliyev QHT-lərin məcburi auditdən keçirilməsinə qarşı çıxaraq demişdi: “QHT-lərin məcburi auditdən keçirilməsi dövlətin hazırkı siyasətinə qarşıdır. Mən təklif edirəm ki, qanun layihəsi qəbul edilsin. Amma Nazirlər Kabinetinə müraciət olunsun ki, QHT-lər məcburi auditə cəlb olunan təsərrüfat subyektlərinin siyahısından çıxarılsın. QHT-lər bu gün məcburi auditə hazır deyil”. Nəticədə, Nazirlər Kabineti QHT-ləri məcburi auditə cəlb olunan təsərrüfat subyektlərinin siyahısından çıxarmışdır.

QHT-lərə Dövlət Dəstəyi Şurası “Qeyri-hökumət təşkilatları (ictimai birliklər və fondlar) haqqında” qanuna dəyişiklik edilməsi məsələsini qaldırmış və Ədliyyə Nazirliyinə qeydiyyat üçün təqdim edilən qrant müqavilələrinin notarial qaydada təsdiqlənməsi ilə bağlı maddənin dəyişdirilməsi üçün təkliflər verərək onun yüngülləşdirilməsinə nail olmuşdur.

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası QHT qanunvericilik bazasının möhkəmləndirilməsi məqsədilə hazırladığı yeni qanun layihələrinin – “İctimai iştirakçılıq haqqında”, “Peşə birlikləri haqqında”, “Sosial Sifariş haqqında” qanun layihələri və Korporativ Sosial Məsuliyyət Xartiyasının ictimai müzakirəsini davam etdirirmişdir və “Sosial Sifariş haqqında” qanun layihəsinin Parlament tərəfindən qəbul edilməsi gözlənilməkdədir.

Yuxarıda adı çəkilən bu işlərin görülməsi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili Azay Quliyevin rəhbərliyi altında Şuranın böyük əmək, əzm və yüksək bacarığı sayəsində əldə edilmişdir.

Bu ilin mart ayından başlayacaq 4-cü mərhələ isə həm yarımçıq qalmış işlərin tamamalanması, həm də hələ də həllini gözləyən bir sıra məsələlərin həlli üçün daha çox səylərin göstərilməsi ilə müşaiyyət olunacaq.

QHT Əməkdaşlıq Alyansı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına bu ay keçiriləcək seçkilərədə sözügedən Şuranın hazırkı sədri Azay Quliyevin namizədliyini müdafə edir və hesab edir ki, yarımçıq qalmış bir sıra məsələlər də onun rəhbərliyi ilə daha asan şəkildə həllini tapa bilər.

Alyans ümid edir ki, Yeni Şura dördüncü inkişaf mərhələsində aşağıda qeyd edilən məsələlərin həllində səylərini daha da gücləndirəcək:

1)    “Sosial sığorta haqqında” qanuna əlavə və dəyişikliklərlə bağlı işlərini davam etdirəcək və QHT-lərin 22 faiz sosial sığorta ödəməkdən azad olunması məsələsini həll edəcəkdir,

2)    Azərbaycanda QHT Evinin (başqa sözlə QHT İnkibatoru, yaxud İctimai Bina) tikilməsi üçün dövlətin sərmayə yatırmasına çalışacaq;

3)    Hər bir nazirliyin tərkibində İctimai Komitələrin yaradılması məsələsinin QHT-lərə Dövlət Dəstəyi Şurasının əsasnaməsinə salınmasını və bu işin kordinasiyasını öz üzərinə götürəcək;

4)    Sosial sahibkarlıq ideyasının inkişaf etdirilməsi və Özəl sektorun vətəndaş cəmiyyətinin inkişafına cəlb olunmasına çalışacaq;

5)    QHT-lərin qeydiyyat probleminin həllinə dəstək verəcək;

Tədbirdə çıxış edən QHT-lərə Dövlət Dəstəyi Şurasının icraçı direktoru Fərasət Qurbanov bildirdi ki, Şura Qarabağ faciəsinin dünyaya çatdırılmasını hər zaman prioritet hesab edib. Ötən illərdə Qarabağ həqiqətlərinin dünyaya çatdırılmasında ciddi və əhəmiyyətli layihələr Şura tərəfindən dəstəklənib. Bu il də bu sıradan olan tədbirlər davam etdiriləcək. Fərasət Qurbanov daha sonra bildirib ki, QHT-lər bununla bağlı güclərini birləşdirməli və dünya ictimaiyyətinə geniş məlumat çatdırılmasında yeni metodlardan yararlanmalıdır. Dövlət Dəstəyi Şurasının, şəxsən Şuranın sədri, millət vəkili Azay Quliyevin mövqeyi budur ki, bu məsələlrdə QHT-lərə bütün köməkliklər göstərilsin, onlara dəstək verilsin. Eyni zamanda, Fərasət Qurbanov Azərbaycan həqiqətlərinin və Xocalı Soyqırımının dünyaya çatdırılmasında H.Əliyev Fondunun və onun rəhbəri, UNESCO və İSESCO-nun xoşməraml səfiri, millət vəkili Mehriban Əliyevanın xüsusi xidmətlərini qeyd etdi. O bildirdi ki, H.Əliyev Fondu bu istiqamətdə xeyli işlər görmüş və Dağlıq Qarabağ həqiqətlərini dünya ictimaiyyətinə və beynəlxalq təşkilatlara çatdırmışdır.

Sonra Alyansın Şura üzvü Razi Nurullayev ötən müddət ərzində görülən işlərlə bağlı geniş məlumat verdi. Razi Nurullayev bildirdi ki, gerçəkləşdirilən internet aksiyada bir sıra nəticələrə nail olunub. Belə ki, Xocalı faciəsini əks etdirən poster Facebook və Tvitter şəbəkəsində 10 minlərlə istifadəçi profil şəklini tövsiyyə edilən posterlə əvəz edib. Hesablamalarımıza görə, aksiya nəticəsində 100,000-dən çox istifadəçi bu aksiyanı görüb və bu və ya digər şəkildə onu dəstəkləyib. İşlər təkcə bununla bitməyib. Soyqırımla bağlı səkkiz status hazırlanıb və paylaşılıb. Proses il ərzində davam etdiriləcək.

Milli QHT Forumunu prezidenti Rauf Zeyni çıxış edərək bildirdi ki, Forum indiyə kimi bu istiqamətdə bir neçə layihə həyata keçirib. Tədbirlərimiz istər ölkə daxilində, istərsə də xarici dövlətlərdə keçirilib, bundan sonra da davam etdiriləcək. O, bildirib ki, Forum da bu məsələdə QHT-lərə imkanları çərçivəsində dəstək verməyə hazırdır.

Daha sonra Alyansın Şura üzvü Rəfail Becanov çıxış edərək bildirdi ki, bu gerçəkliklərin dünyaya çatdırılması həm də ona görə önəmlidir ki, məhz Xocalının işğalından sonra Ermənistan və onun havadarları Qarabağın simvolu Şuşanı, alınmaz qala sayılan Ağdamı işğal etdi. Çünki ermənilər bilirdi ki, Xocalı Şuşaya dayaq, Ağdama sipərdir. Biz Xocalı faciəsini dünyaya çatdırmaqla, Qarabağın azad olunmasında diplomatiyamızın bu günkü qələbələrinin davamını sürətləndirəcəyik.

Aksiyanın keçirilməsi üzrə işçi qrupun rəhbəri, Alyansın Şura üzvü Xanoğlan Əhmədov dedi ki, “Ermənilərin 20 il əvvəl Xocalıda törətdiklərini yalnız 1940-cı illərdə faşistlərin törətdikələri cinayətlərlə müqayisə etmək olar. Xocalı qətliamını törədənlər hərbi cinayətkar adlandırılmalı, cinayətkarlar Beynəlxalq Hərbi Tribunal tərəfindən cəzalandırılmalıdırlar”.

Digər çıxışçılar da QHT-lərin bu kimi tədbirlərinin kampaniya deyil, silsilə xarakterli olmasını bildiriblər.

16 fevral 2012-ci il                    QHT Əməkdaşlıq Alyansı İcra Katibliyi

Xanoğlan Əhmədov, QHT Əməkdaşlıq Alyansının Şura üzvü

Xanoğlan Əhmədov, QHT Əməkdaşlıq Alyansının Şura üzvü

Bu günlərdə azərbaycanlı jurnalistin Hollandiya Xristian Demokrat Alyansının üzvü Krayne Hukdan götürdüyü maraqlı bir müsahibəsinə rast gəldim. Xanım siyasətçi həmin müsahibədə Qarabağ problemindən, Azərbaycan torpaqlarının 20%-nin Ermənistan tərəfindən işğal edildiyindən ölkəsinin xəbərsiz olduğunu iddia edir: “Xocalı barədə Hollandiyada heç kəs heç nə bilmir. Siz məlumat verməsəydiniz, yəqin ki, mən də heç vaxt bu baərdə bilməyəcəkdim”.
Amma Xocalı faciəsi xalqımızın sinəsində elə bir sağalmaz yaradır ki, onun haqqında bütün dünyanın bilməsi vacibdir. Qarşıdan Xocalı Soyqırımının 20-ci ildönümü gəlir. Hazırda bu yöndə istər ölkəmizdə, istərsə də xaricdə bir sıra tədbirlər keçirilməkdədir. Dünyanın diqqətini cəlb edə biləcək belə tədbirlərin sistemli və davamlı olması gərəkdir.

Məsələn, QHT-lərə Əməkdaşlıq Alyansının maraqlı bir aksiyaya başlaması diqqətimi cəlb etdi. Alyans fevral ayının 2-dən etibarən, Xocalı Soyqırımı ilə bağlı həqiqətlərin dünyaya çatdırılması üçün internet aksiyasına start verib. Alyans üzvləri artıq Facebook sosial şəbəkəsindəki səhifələrində profillərini də dəyişərək, Xocalı faciəsini əks etdirən şəkillər yerləşdirib və onu paylaşıblar. Eləcə də, bütün Facebook istifadəçilərinə bu kampaniyaya qoşulmaları ilə bağlı müraciət ediblər. Bu bir aylıq aksiyaya bütün facebook istifadəçiləri qoşulsalar, çox yaxşı olardı…

İndiki Bakı Dövlət Universitetin ikinci kursunda oxuyurdum, səhv etmirəmsə, 1984-cü il idi. Bir gün universitetdə xəbər yayıldı ki, Zori Balayan adlı bir erməninin Mockvada “Ocaq” adlı kitabı çıxıb. Kitabda hansı sərsəm iddialırın öz əksini tapdığından xəbəriniz var deyə, üzərində geniş dayanmıaram. Ancaq demək istəyirəm ki, bu o dönəmlər idi ki, ziyalı donuna bürünmüş “zori balayanlar”, “aqanbekyanlar” hələ əsli iç üzlərini göstərmək istəmirdilər, əsil niyyətlərini biruzə vermirdilər…

Əsil niyyət isə Xocalı Soyqırımından sonra bəlli olacaqdı. Əslində bütün türkləri yer üzündən silmək istəyən ermənilər və onların rus havadarları fevralın 26-da 2500 dinc Xocalı sakininin 613-ü qətliam etdilər. Qətlə yetirilənlərin 63-ü uşaq, 106-sı qadın, 70-i qoca və qarı idi. 8 ailə tamamilə məhv edildi, 25 uşaq hər iki valideynini, 130 uşaq valideynlərindən birini itirdi. Düşmən gülləsinə tuş gəlib yaralanan 487 nəfərdən 76-sı uşaq idi. 1275 xocalılı əsir, 150 xocalılı itkin düşdü.

Türk düşməni Zori Balayan “Ruhumuzun dirçəlişi” adlı kitabında Xocalıda törətdikləri vəhşiliklər haqqında görün nə yazır:

“Biz Xaçaturla ələ keçirdiyimiz evə girərkən əsgərlərimiz 13 yaşlı bir türk uşağını pəncərəyə mismarlamışdılar. Türk uşağı çox səs-küy salmasın deyə, Xaçatur uşağın anasının kəsilmiş döşünü onun ağzına soxdu. Daha sonra 13 yaşındakı türkün başından, sinəsindən və qarnından dərisini soydum. Saata baxdım, türk uşağı 7 dəqiqə sonra qan itirərək dünyasını dəyişdi. Ruhum sevincdən qürurlandı. Xaçatur daha sonra ölmüş türk uşağının cəsədini hissə-hissə doğradı və bu türklə eyni kökdən olan itlərə atdı. Axşam eyni şeyi daha 3 türk uşağına etdik. Mən bir erməni kimi öz vəzifəmi yerinə yetirdim. Bilirdim ki, hər bir erməni hərəkətlərimizlə fəxr duyacaq”.

Hazirda Livanda məskunlaşmış yazıçı-jurnalist David Xerdiyan isə “Xaç uğrunda” kitabında Xocalı müsibətini əsla vicdan əzabı çəkmədən qələmə alıb:

“Səhərin soyuğunda biz Daşbulaq yaxınlığındakı bataqlıqdan keçmək üçün ölülərdən körpü düzəltməli olduq. Mən ölülərin üstünə getmək istəmədim. Bunu görən podpolkovnik Ohanyan mənə işarə etdi ki, qorxmayın. Mən ayağımı 9-11 yaşlı qız meyidinin sinəsinə basıb addımlamağa başladım. Mənim ayaqlarım və şalvarım qan içində idi. Və mən beləcə 1200 meyidin üstündən keçdim”.

Görün, erməni vəhşiliyi, erməni həyasızlığı necədə iyrəncdir, dözülməzdir? Məgər dünyanın bu ədalətsiliyə susmasının özü ədalətsizlik deyilmi?

http://modern.az/articles/20996/1/